30 avril 2017
ASIGGEZ
Amar Tafat, aḍṛis n tedmi:
Izri d yimira
Lɣaci n tura mgarrden ɣef widak n yezri, akken qqaren imezwura "menyif ussan yettɛeddin, wala wid i-d-irennun". S-immal nteddu tjellu tmussni n tidett, tjellu tidett s timad-is, ttɛeddayent tkerkas s tehri di cqayeq! Anger-ik ayul! Ayen iyi yesswehmen, ifuk leqdeṛ n wergaz, d ayen nettwali deg wennar imdanen ur ttemqaddaṛen ara, ama ger babas d mmis, neɣ gmas d gmas, neɣ ger umeqqran d umecṭṭuḥ wissen d acutt tagi, ma d ttṛebga ay yekfan, neɣ d azidi i tzad. Lemmer d lebɣi, s-immal ad nteddu ad ttili tgemmi yelhan di tmetti di yal taɣult, netta nni, yusa-d d anemgal, tura zaɛma ciṭṭuḥ n rezgg(lxiṛ) yella, allalen d ttawillat tua axiṛ n zik, ma d aserhu(honneur) ur yettunneḥsab ger medden, d amjahed neɣ d ameɣnas, neɣ d amussnaw n tidett, neɣ d aselmad n tidett, ad naf ur yewwi ur yerri! D ttagi i d ttuttra, acuɣef? Cukkeɣ d aṭṭan i-yellan di tmetti. Ttumren medden s-immal s tkerkas, berrun-as i-yiseɣ! Tura nunef-as i-webrid n tmussni, neṭṭafaṛ ayen ar aɣ yawin s asyax, asm'ara d nakwi din i-terwi, a-d-naf yunag wakud, neɣ akken i-s-neqqar di timawit "ifat lḥal". A-d-nini kan, a-d-ihdu Ṛebbi lɛebd-is
Publicité
Publicité
Commentaires