Awal n wass

19 mai 2017

ASMECKUKEL

Llant tɣawsiwin nettberriz ɣursent war ma nmeyyez sani ssuffuɣent. Ahat ɣer uxessaṛ maḍi? Kečč a k tawi zehwa,a-tt-xedmeḍ rrezgg i-wezrem, neɣ a-k-tawi zedwa n ṭmeɛ a s tinniḍ "ad rebḥeɣ di ǧeṛṛa nnsen" yili nutni deg yihwah i ssexdamen, mmis n tmussni ur tettafeḍ din. Ula d nek acḥal d abrid i-yi teḍṛa akka. Yettɛeddi uzaylal ɣef wemdan di ddunnit, ɣas yeḥṛec mačči d yiwet akken ad iqareɛ iman-is ɣef igiman(luluf) n temsal, geṣbeḥ alama d ttameddit d asbeṛquqec n tɣawsiwin. Akken yeqqar yinzi aqbur "imɣi n ṣaba maɛqul, s ddaw tmurt i-d-yettmuqul" yewwi-d i-wergaz ad yezmeḍ iman-is, akken yra yili d amedyaz neɣ d amyaru, iḍfeṛ-it wezbu(résistant), ṭmeɛ a t yekkes seg ul-is, ma wlac a-s-ssimsen imerka, neɣ a t sleqḍen yiwwas wagad yettran adellel, nutni d agad ur neswi, d at wulac, ttasmen, ar deqqal a s brun am tdellaɛt di tmurt ad yeddu d iceqfan. Akka imi zman d axeddaɛ, imkeṛḍen, d yeqjan n ṣyada gwten, anda teɣli lḥila haten zwaren wḍentt, am akken d nutni i-d-iḥeṛṛan, tugna d wazal ur telli, leqddeṛ ur tesɛin ur tkettben, kkren-d d igwerdan, ad mten d igwerdan, gan ayen i-sen yehwan, akken i-s-yenna win "delel neɣ qqim ay ulac!" . Akka win ur nḥemmel ara amahil-is nezzeh, ɣas ad yeqqim warem(20) iseggasen ur yettbeddil ara, akken yra yili umahil-is, wagi ad tafeḍ yeṭṭafaṛ s waṭas ifraɣ(les defauts) nniḍen akken iwata, amahil-is zeddigen ur s yettak ara akud, imir ad tafeḍ yesmeckukul am akken assen i-d-illul, amahil-is d lḥecmat(la honte), yal taɣawsa a-s-tiwɛiṛ i-wesmuhel(i-lxedma), amdan amussnaw yal taɣawsa ara yemhel, ad ttiṣeggem akken iwata ur tettxaṣ deg wacema, imir "anef-as i lehw' a ttewet" , d aymi yessefk i-wagad imehlen taɣara(la qualité) ur ttkalen ara, ad mehlen s waṭas amahil zeddigen, akken a-d-yifrir yedles n tidett mačči d ttikerkas neɣ d tmesxiṛ.

Masnsen