Tadamsa

19 mai 2017

D amehal* i-yrefden tamurt

Aḥric n umahil(lxedma) di tmurt yeffeɣ seg wemkan-is, wissen anda yerra? Segmi tečča tiɣrit tmurt seg yseggasen n 90 sɣur le fmi, seg imir nni teḍṛa-yas am tkeṛṛust nni yenneqlaben teqqim akken ɣer tura, ur rzin ara maḍi ɣer tidett akken ad ṣeggmen amḍiq agi n tdamsa(économie) imi yesɛa azal meqqren.

D amedya ad sifsen ɣef yemɣiden(ifellaḥen)taɛkemt ẓẓayen fellasen, akken ad izmiren ad mehlen, haten tettwalim izuɣar d iɛerqab s-umata qqimen d isukiyen, ulac taferka yettwakerzen, abaɛda akud agi n tebḥirin, imɣiden qqaren-d yal tikelt "ɣlay cci, i-wakken a tt mehleḍ tibḥirt tewwi-yak-d imeslifeḍ(amelyaṛ)". Ihi tucḍa attan ɣer ddewla ur yelli ɣer wemɣid, amɣid ira ad yemhel, maca ur yettizmir i-ttaɛbga i-d-iretmen fellas. Akken qqaren "d tjaṛa n bu ymerga", acḥal ara d-yaɣ zeriɛa? Acḥal ara d-yaɣ allalen? Acḥal ara tt yezenz? Xedmen yagi xeṣṛen di temsalt! Imir qqimen yemɣiden yif-it ur mehlen ara ay axiṛ. Qqaren deg inzi aqbuṛ "lemmer i-sent iseḥsab ufellaḥ ur ikerrez ara" maca tagi i-d-yeɣlin tugar inzi, d ttamaggert!

Aḥric n imuhal d luzinat daɣen d ttamacahutt, ufan-d tifrat ur nelli d ttifrat n tidett, sṭaxṛen ixeddamen s kra n wudmawen zaɛma n uṣaduf(lqanun)am: "depart volontaire" i-d-snulfan, d akmas kan a gma, am umeḍhaṛ ad isahel Yillew! Rnan i-wmehhal(axeddam) lmeḥna(la pression)fellas yal ass, akken ad sneqsen, akken-akken armi ur d-igwri w'ara di tmeggurin(les entreprises). Qqaren-ak "d axeddam i-yrefden tamurt". S tidett yella melmi yettuḥettem ɣef wemdan akken ad yeqleb timsal akken a-d-yaf tifrat maca tifrat yessuffuɣen,(aqlaɣ nessuref ammur nneɣ i-tmurt nneɣ), maca mačči akken ara teqqim tmurt s wuguren war abeddel lebda! Ar melmi? Yewwi-d ɣef kra n wakud(lweqt) a-d-yili ubeddel. Yessefk i-wagad terza temsalt ad zṛen ižžayriyen akk d arraw n Ležžayer, ssɛan azref ad idiren s-umahil nnsen; ad ẓṛen belli la ttidiren di temnirt, wa yedder wa ala. D aḍebbeṛ i-la ttḍebbiṛen msakit yemdanen amek ara sɛeddin ussan nnsen. Sɛu agerdas(diplôme) neɣ ilik d ayen triḍ ur teswiḍ.

Amawal:

*Amehal: axeddam