SIN IMEDYAZEN IMEQQRANEN

 Yusef U Qasi d Si Muḥ Umḥend

Uriɣ sin yeḍṛsen imeqqranen ɣef sin imedyazen yettwassnen di tmetti taqbaylit, yiwen d amezwaru d Yusef U Qasi n At Jennad yeddren "ɣer taggara n tallit talemmast(moyen âge) neɣ tallit taṭeṛkwit, deg wazemz n 1770", akken i t id yenna wemyaru ameqqran Lmulud n At Mɛemmeṛ, nek si tama-w rniɣ-as tafat ugar deg weblug agi 

Yusef u Qasi Amedya n tmussni

Amedya n tmussni Yusef u Qasi http://afara.blog4ever.xyz/amedyaz-yusef-u-qasi Amar Tafat a partagé un lien . 27 décemb...

https://amartafat.blogspot.com

 i-wakken imeɣriyen a t afen s talwit, syen akkin zemmren ad afen tala s timmad-is wagi d adlis n "Isefra n Teqbaylit Iqbuṛen" neɣ "Poèmes kabyle ancien" sɣur Dda Lmulud n At Mɛemmeṛ. Yusef U Qasi d yiwen n umedyaz ameqqran yessefruyen tamussni d ttsartit(politique) ɣef tudrin d tteqbilin d umnekcam Aṭeṛkwi d amedya, Ihi yenna:

Asefru n Yusef UQasi

(Dagi inemmer-d At Yanni)

Dḥu d lmersul

Belleh a ṭiṛ ma d w'ifsusen

Abrid-ik mellul 

Ers i lwadd zgger Iftissen

Ar at lmaεqul

Awal n  ṣwab a t kemsen

At Yanni lembbat γursen

Ur degsen amehbul

Bexlaf w'iḥedqen yessen

Ma ḥanbenk s wul

Ma truḍ a k id seḍṣen

Ma d amedyaz Si Muḥend Umḥend yedder di tallit n 1900(neɣ di tallit n Wefṛensis) d yiwen umedyaz ameqqran, d amsikel(voyageur), yettra asikel(voyage) s waṭas, d yiwen n umedyaz yessefruyen tudert-is n yal ass, ad naf isefra-s gerzen s waṭas ssɛan aṣkay(lebni) war tucḍa win i-sen yesslan a ten isekles de wallaɣ-is.

Tazrawt

AMEDYAZ YESSƐAN AZAL SI MUḤ U MḤEND AΓANIB IFFAZEN DI TMEDYAZT Sɣuṛ : Amar Tafat.

Riɣ a-d-awiɣ ɣef Si Muḥend U Mḥend, t...

https://amartafat.blogspot.com

Yenna-yas:

W'ibɣan Ṛebb'a t iweḥḥed

Di si Muḥ Umḥend

Meskin iɛwej ṛay-is

Yeɣra leqran ijewwed

Si zik-ines yeǧǧhedd

Tura ireffed s wallen-is

Waqila ṣfeṛ iqreb-ed

Aɛwin ulaḥedd

Siw' asebsi d aṛfiq-is

---

Amsawal ger Ccix d Si Muḥ...

Awal i-d-yellan zik ger sin imedyazen imeqqranen, Si Muḥend U Mḥend d Ccix Muḥend Welḥusin. Tazwara yenna-yas Ccix:

— D acu i-k-id yecqan akka?

Si Muḥ igumm'a-d-yini kra, armi i-s-d-wwin lkif, yessuref-as Ccix, yewwet-as yiwen usebsi, yelli wallaɣ-is, iserreḥ yiles-is, yenna-yas di tazwara:

A Ccix Muḥend Ulḥusin

Nusa-d a-k-nissin

Neḍmaɛ si lǧha-k cwiṭ

A lbaz izedɣen leḥṣin

Iḥub-ik weḥnin

Ddaṛaǧa-k ḥed ur tt iwiḍ

Ar ṣfeṛ heggi aɛwin

Ul-iw d amuḍin

Tamurt a ttbeddel wiyiḍ.

Yerra-yas, yenna-yas:

— Acimi akka testehzaḍ deg iman-ik?....

Yerra-yas Si Muḥ yenna-yas:

A lfahmin Llah ɣalleb

Ṛebb' akk'i yekteb

Lmeḥn' a ttɛeddi f ṛas

Mačči d ttiselbi ay nesleb

Aṭas i-nɛetteb

Aqlaɣ d imeḥzan kul ass

Lweqt akk' i geskadeb

Salet lmujeṛṛeb

W'ur nud' ur ɛeddant fellas.

.....

———————

Nugem-it-id deg wedlis n Lmulud n At Mɛemmeṛ "Yenna-yas Ccix Muḥend".