12 janvier 2018
Asefru ameqwran ɣef 20 yebrir 1980
I d yezzin illel tamurt
Di tmazɣa yekker zhir
Fɣen-ed argaz tameṭṭut
Tamaziɣt tebda tettifrir
Seg zik mačči d tamengurt.
Di tmazɣa yekker zhir
Fɣen-ed argaz tameṭṭut
Tamaziɣt tebda tettifrir
Seg zik mačči d tamengurt.
Yal tamurt yewweḍ-itt usalli
D amaziɣ i-d-aneṣli
Yissek i-ṣeggmen lecɣal
Asm'i d tekker di Tizi
Ahni yuzzel d aḥemmal
Ayen din isax d ilemẓi.
Ngugant tuddar meṛṛa
Yal lɛarc icudd-ed
Asalli yewweḍ yal tama
Lɛeskeṛ ihubb-ed
Wḍen-ed s-afrag n lḥeṛma
Yugurten yekker-ed.
Kkren-ed lejdud yemmuten
Usan-ed assen nni
Win-a i tt id isnekren
D Dda Lmulud Mɛemmeri
Ay ucbiḥ a Masensen
Yecbaḥ fellak ma neɣli.
Mi muggren medden tafsut
Nekwni nettwarez
Ctaqen-aɣ iɣerdayen lqut
Γursen tgerrez
D tagi d tikelt tamenzut
Mazal a ttenhez.
Meğden meṛṛa leqbayel
Taqṛiḥt i-ɣ-yuɣen
Ffɣen-ed ula s lemkwaḥel
Wten-aɣ s-ijenwiyen
Acḥal yurzen di snasel
Di leḥbus qqnen.
Di tmura yeffeɣ uberraḥ
Azaglu nḍeggeṛ-it
Ayen yeḍṛan yidneɣ qeṛṛeḥ
Yiwen ma nɣaḍ-it
Akk'ara nbedd ɣef ṣṣaḥ
Alam'i d tban tnaṣlit.
D azref i-neffud a nessɛu
Ur netter lmuḥal
Fellaɣ teḥkem ddaɛwessu
Teṛmel-aɣ deg wakal
D awezɣi ad aneknu
Alam'i-ɣ-d-iṣaḥ wawal.
Ma nella d wid iḥeṛcen
Eyyaw ad nessider talɣa-s
Argaz ifehmen yessnen
Mačči d win yeğğan ɛyla-s
Mlet-iy'axxam ibedden
M'ur yesɛi tazwert n llsas.
Yak tura abrid yenğeṛ
Dda Lmulud yeṛẓ'asalu
Fellas a nbedd anḥekkeṛ
Ma nebɣa a d nenulfu
Idles a t-id nessemɣeṛ
Fellaɣ a ttfak ddaɛwessu
AMAR TAFAT
Publicité
Publicité
Commentaires