Image_1520619209756-1

 

Maya Salma

A ass ifazen deg wussan,a ass i-deg i-d-tufrar tafat i sefḍen ṭlam i-yella yezdel ɣef yizerfan-im, kem a yemma , a yelli, a weltma. A tameṭṭut s-umata lemmer ur telliḍ d ttin iẓewṛen teffeɣeḍ a tteṛzeḍ asalu tenniḍ "Ala" i tmuḥeqranit, d annect-a i-yeǧǧan ad tbeddel tegnitt fell-awent, acku izerfan n wemdan fkan-awent amkan di tmetti
Deg 1984 yennulfa-d uṣaduf (lqanun) i-d yusan am ssiεqa ɣef tlawin. Yekkes leqdeṛ fell-asent, tudert nsent tuqqel d ttikerkas acku aṣaduf agi wid i-t-id yesnulfan mlan-d degs amek ara teddu tmeṭṭut. Di tawacult, d acu id lwaǧeb is? D ayen ittyeǧǧan ad tuɣal ddaw n-uḍar n wergaz d ttamaḥbust n lbaṭel, tuɣal d azgen n wemdan imi telha kan i wsewi, d uṛebbi d leqdic.
Ihi assa terra-d izerfan-is, txeddem anagar deg uxxam neɣ di beṛṛa d nettat i d llsas dajgu n talsa ccɣel-is am cɣel n wergaz , ur yelli uhric i teǧǧa acku teɣra tefhem , tbedd ɣer yidis n wergaz deg yal akud , ladɣa deg wakud n ṭṛad, lemmer ur tεawen ara argaz tili ahat mazal-aɣ ddaw uḍar n ucengu!
Amezruy neɣ yura isemawen n tlawin s yidammen am Dihiya d Faḍma n Ssumer ...
S tezmert nwent a tlawin, tuɣal-awen-tid tlelli i tṛuǧamt yekkes fellawent uzaglu i tεebbamt.
Awal ǧant-id at zik"tameṭṭut ikenzen, tif tayuga ikerzen"