TIDEN IḌEṚṚUN !

Llan kra n yemdanen ssewhamen, ticki ixuṣ yiwen ad tafeḍ yuɣal d taḥessiṛt di tmetti, melmi i-d yerfed kra iman-is ad ibeddel taqendduṛt, a-s-tiniḍ wagi "d azemmur iẓullen", ad yuɣal d igenni ɣef ayetma-s! Netta ulac kra i-d-yessnulfa, ulac kra i-d yenna, ulac anda yewweḍ! D zzux kan i-t iɛemṛen! Amerezgg-is i-win yessεan tigzi (lefhama) iteddu s lqis seg wasmi i-d-yekker, ula ɣer medden ifehmen ur yettiṛẓig ara !
-----------------------
Imεelmen n taxiṛ zaman!

Yiwen daɣen d amεellem zaεma hhh! Ihi wagi yessεa aseččut(resṭura), ihi wagi ur yessin ara ad iseddu di tidett, maca lɣaci ttran ad ḍeggṛen idrimen nnsen seg wesfaylu, ur yessin d acu i d lxedma yelhan, wala axeddam lεali. Yiwwas yeɣli-yas-d yiwen uxeddam d mmis n tfamit yessen lxedma mačči d kra, d aεewwaj ! I-syen akkin ixeddem yides igerrez kullec-i, axeddam agi d imsewwi (cuisinier), taqṣiṭ : ass amenzu m-id yudef ɣer useččut ur s yecṛiḍ ara azal meqqren. I-syen akkin aseččut iteddu akken iwata lɣaci s-immal la d-rennun yal ass. Ihi netta deg webdil ad yefṛeḥ d afṛaḥ, a t iqaddeṛ ugar, netta d-anemgal d leḥzen i-yeḥzen hhh! Amsewwi nni yewhem segs! D acu akka yuɣen amεellem hhh! A ziɣen d lɣaci yusmen segs i-yetihin fellas netta ur ifaq ! Yal wa d-acu i-s-d-yeqqaṛ! Ladɣa yiwen yenna-yas " acuisinier ina inek lemmer yelha a-k-d yecṛeḍ aṭas n-iṣuṛddiyen !" Dɣa netta yumen-it, yesṭaxeṛ acuisinier nni yelhan, yewwi-d acuisinier yettxelliṣ-it s wacḥal yerna ur yessin ula d kra, ula d tezdeg ur zeddig ara! D alexax ameqqran ! Ɣef aya yenna-yas ukusini nni mmis tfamit "ansi yezra lεezz, ad iεeddi ddel! "
-------------
F.Tamazgha