10 avril 2018
Ma nessusem a ttkemmel!
Aɣerbaz d llsas n tmurt...
Tamurt ma nemḥel-itt s wul d neyya anagar rbeḥ uɣur ara teffeɣ, maca ma mazal-aɣ di txidas, tixidas d nutenti i-ysefclen lǧehdd-is, d ttixidas i tt yerwin armi tuɣal d ttaneggarut. Anda tella tugdut d neyya, a naf slid tidett i-yettsersiren, yal yiwen imehel ixeddim-is, yal wa yettnadi tamussni akken a-d-yernu kra ɣef wayen yessen. Aɣerbaz d netta i d llsas i-d ttaqacuct di tmetti di tmura irebḥen, nekwni di tmurt-a ntekka-yas, nerrat ɣer tama, ur yessɛ'ara amkan-is, ur s nega azal uyaziḍ! Ulac ahil n tidett deg wɣerbaz, qqasent ɣer tsartit ur yelli ɣer tussna d uṣaduf, ur necɣil ara yides s wul d neyya. D asuṛddi i-yezwaren, netta yili ulac i-yezwaren aɣerbaz, s tidett lhan iṣuṛddiyen, maca taqacuct d aɣerbaz, d ttamussni d ttussna, m'ur tessineḍ a tteɣreḍ deg wakud-a amaynut ɣas ur ḥetteb ara iman-ik seg wid yeddren, yif-ik ula d win yemmuten, meqqar netta yemmut yeṛtaḥ, wama kečč tettwaliḍ ur tezmireḍ a d tiniḍ ayen tebɣiḍ. Ayagi ur teḥettbet ara d ttamɛayeṛt, maca d ayen yellan s tidett, u tidett iwata a tt nezraɛ akken ad ttemɣi, ma nessusem ad tternu ad ttekemmel ugar ! Akken yenna umedyaz uḥdiq :
"D lwajeb asirem ad yili
Gulawen ad yefti
Ɣas akka lwaɛd iteqqes
Ad yeknef uǧazayri
Akken a-d-yemlekti
Anda yedda llaṣel-ines!"
F. Tamazgha
Publicité
Publicité
Commentaires