TAJMAƐT N TADDART

• Tametti

Anda i-d-tegwra tejmaεt

n taddart ?

Zik deg wansayen, mi d-tekkreḍ taṣebḥit a d-tafeḍ kra n lɣcai deg wegni n taddart, ttemlilin-ed ɣer yiwen n wemkan qqaren-as "tajmaεt". Tajmaεt tettwaṣki(tebna) s teblaḍin, tibelbaḍin fellasent ttɣiman yimɣaren d yirgazen imeqqranen n taddart. Din i yella yal rezgg d tmussni d lbaṛaka, a d-tessleḍ awal yessεan anamek, a d-teẓṛeḍ medden, a-k-walin ad ten twaliḍ, a tqessreḍ, a-d-tessleḍ asalli n tumert ( lfeṛḥ) d win n unezgum (lqeṛḥ). Ihi tura ibeddel wakud, tiblaḍin nni ttwahuddent, mi d-tekkreḍ taṣebḥit a d-tafeḍ taddart texla, ula di yal akud akken, d taṣebḥit neɣ ɣef imekli neɣ tameddit! Yegwra-d ǧamaε n tẓallit d llqahwa kan. Lɣaci uɣalen ǧǧan imuhal (lleqdic), ǧǧan tadukli armi ur ttemlilin ara, nuɣal armi "ad ttexlu taddart ur tselleḍ ara!!", akken qqaren deg yinzi aqbuṛ . I-syen akkin ula wukud teqqimeḍ; ula wukud tedduḍ; ula wukud thedṛeḍ, ulac anda ara d-tessleḍ awal. Ad naf medden dhan d lecɣal nnsen, d uεebbuḍ nnsen, yal wa d anda yewet ixef-is, wa di tilibizyu, wa di diminu, wa deg portable, ma d lecɣal i-ten yerzan netta iman-is ad ttwamehlen iman nnsen!
Aya yekka-d deg wesnegmi(l'evolution), maca nekwni yewwi-d ad nqaṛeε iman nneɣ ɣef wasif-is m'ara ɣ yawi d asawen, ur d-yewwi ara ad neḍfeṛ kan amaynut ad neǧǧ ansayen, yili ansayen degsen tadawsa, amedya am win inehṛen tamezirezt (tomobile), ma yella iḍefeṛ-itt kan nettat, ur d-yettrusu ara s-ufellas, ur iteddu ɣef uḍaṛ(ur d-yelli kra), ur ittazzal ara kra atan wemdan nni ad yuɣal d anaεybu, rekba nni iman-is war tikli ɣef uḍaṛ,war tazzla d waddal a s-tuɣal d aṭan, ad kersen idamen-is d iẓuṛan-is, tafekka-s ad ttessbek am zzit nni igersen, taggara-ines wis amek?! Ihi ad tt nfak akka, asnegmi yelha, amezruy d wansayen ulac ayen i-ten yifen. Yewwi-d yal tikelt ad nettḍilli ɣer weqdim d-ugama, imi netta yessεa tudert zeddigen. Am akken yella daɣen wemgirred ger taddart d ttemdint, ad naf tamdint tehla i tmezduɣt ulac ayen i-tt-yifen, maca daɣen taddart s wazal-is, taddart tessεa agama(la nature) zeddigen, tessεa aman zeddigen d-  ubeḥri azeddgan i turin, tessεan lqaεa iṣeḥḥan mgal tixeṣṣaṛin n zelzali abaεda! Taddart ɣef wedrar.

                  AMAR TAFAT IZARAZEN