USSAN DI MEƔRES

Tamaziɣt/allus/Amar Tafat/

---

 A D-NALLES S WAWAL N TEQBAYLIT

---

«Win i-s-yennan, tagrest tḥell, aḥeggan zdat meɣres»

Ass-a d amhad 21 di meɣres d ass aneggaru di leǧwareḥ, azekka ad bdun ṣwaleḥ, akud yexṣer, d ageffur, d asemmiḍ, d aḍu ajehli, ageffur yekkat s-uzayeḍ. Ay a baba! Akken i k qqaren: lǧaṛ ur yetteffeɣ ɣer lǧaṛ! Ass kammel ur teww'ara lehwa, segmi tebda tiyita iḍelli ɣer n 9 n yiḍ ɣer tura, tura attan d 5t u 7d mazal, a llah ybarek! Daymi i s-qqaren imezwura, ǧǧan-ed inzan:«meɣres m'ara d-yesseɣres, meɣres yeḥwaǧ atemmu, aḥeggan eǧǧ-as tiqceṛt».
I-syen akkin, imdanen kra yettwaḍuṛ, wa yumer, aṭas aya ur d-ɣlin waman, ttagwaden medden aɣurar, abaɛda ifellaḥen d imeqqranen, qqaren akw: d lxiṛ, d rezgg. Ma d wiyiḍ llan wid yɛekweṛ uneqlab n wakud, d sexṭ i d-yeɣlin ɣef temsal qeddcen, qqaren kan: "d wa ay d rezgg?!". Tura ateni irkwel di leqhawi ɣer diminu d lkaṛṭa.

I-d-yura Amar Tafat, meɣres 21,2019

---