TUΓALIN S-ANNAR

Azul meṛṛa fellawen a widak ukud nettemlil s tira, d agguren aya ur d-nemllal ara s-umaynut, surfet-aneɣ, acku yeskuffer-aɣ weẓɣal d uɣamac, yekkes-aɣ tazmert d-umeyyez d wesnulfu, yesfec-aɣ armi ur nezmir ad naru, asegwas-a iɛedda tillas, ma d-tura atan iɛebba iceṭiḍen-is ibeddel tamurt, yeǧǧa-yaɣ-d annar zeddig, D amedya, am wexxam nni imedlen, ulac tawwurt ulac aḍwiq, yebbenddeq kan wakud yeqqim, armi d cutembir i-llint tewwura n-useggas, yebda-d ubeḥri asemmaḍ, d tiɣli, yal rezgg ara d-ikeččem si tama n-ugama. si lexṛif ɣer tegrest, ɣer tefsut, alama d w'iddren. Nessarem tiwwura n wallaɣ ad llint s tegwti, a-d-fkent ugar d waṭas n tmussniwin d-umaynut.