Abrid n tudert
Abrid ma yella ɣezzif ad-neddu yides ɣer yeswi, degs aṭas n yilɣi¹ d-ujeṛṛeb, iwata amdan ad-yelmed, zwir ay ameqqran zdat n-umeẓyan ad-tisineḍ tifrat n wuguren, acku llan wuguren uma d-amdan iǧehdden ur sen yezmir ara, anagar win iḥeṛcen d-win iḥedqen! Akken qqaren: uḥdiq ur yettwaṭṭaf ara! Ihi i-d-yewwin d-azbu² i-wemdan akken a-s-yili d-affud di tsawent ma yemmugger-itt-id deg webrid-is, acku amecwaṛ ad-yiɣzif amdan yeḥwaǧ tallelt³ di ddunnit . Uguren gwten yewwi-d i-wemdan ad-ten yefru, ur d-yewwi ara i-wemdan ad-yeqqim fellasen, neɣ ad-ten yerr ɣer deffir waεrur-is, azekka zemmren a-s-d-uɣalen d-isennanen. Ihi am akken ur nestehzay deg yiman nneɣ akken ur nestehzay deg tmussni akken ad-tt-nessεu ad-tt-twasekles deg wallaɣ nneɣ amzun d-asefru neɣ d-tizlitt, neɣ d-taɣawsa nettra s waṭas di tnumi nneɣ n yal ass.
Lexique: 1. Difficulté 2. Résistance 3. Aide
I-d-yura Amar Tafat