12 mai 2017
Amezruy
Asefru n umezruy sɣur Ubellil
Tiṭ s amezruy
Tamaziγt-nneγ d ayla
Xas aṭas i tt-yugin
D tutlayt-iw d yemma
Xas kečč ččant-k tismin
Isem-is deg umezruy yella
Fell-as leqrun d leqrun zrin
Si Masensen γer Kusayla
Yuba ɛeddi-d akkin
Ekkren-ed akkit timura
Si Siwa γer tegzirin
Ad tafeḍ deg uheggaṛ tura
Tifinaγ tecfa-d i tlaliyin
Aṭas, ad d-nebder kra
Imedyaten ayen din
Ccix Aḥeddad d wiyaḍ meṛṛa
D asaḍen1 i d-urwent tγaltin
Tinhinan d Lalla Faḍma
D azamul2 n tulawin
Sel-iyi-d lmed tura
Lateṛ n jeddi-k ma ad ak-id-ibin
Umari d izem n tizza
Aṛezqi Lbacir ger yimenza yukin
Benay d At Ḥemmuda
D tezγint3 n tesεa u ṛebεin
D igrawliwen n tegrawla
Steqsi-t ṣummam idurar d tudrin
Σmiṛuc, Σebban, Mira
Didduc, Σisat d wiyaḍ nin
Amaḍal yis-neγ yesla
Ad yeched rebεa u xemsin
Tendeḥ tmes ur tensa
Wara yettun tlata u settin
Cmayet teǧǧa Fransa
Γef Leqbayel ass-nni i d-zzin
Qublen-ten warraw n tsedda
Muḥend ulḥaǧ d Dda Lḥusin
Dda Lmulud ajgu n yejga
Σecrin deg yebrir n tmanyin
Amẓal d isegmi i aγ-yeǧǧa
Haṛun, Imula d ṛebεa uεecrin
Ma tettum tuber yecfa
Di tmanaγt a tidyanin
S yidim akal i yeswa
Imeγrasen a timedlin
Ǧaεut, Meqbel d Baca
D iseflan i iṛuḥen di tesεin
Dda Lwennas d Muḥya
D warrac n tefsut wid akk yeγlin
Isem-nneγ ass-a azekka
Ur t-isefeḍ waḍu n lesnin
Tutlayt n jeddi d baba
Ansayen4 d yidles d aεwin
D agdud asrew5 n tmazγa
D amaziγ s yiseγ s lḥeṛma
D aqbayli xas nutni ur bγin…
UBELLIL
Amawal:
1. Zaɛim
2. Symbole
3. Crise berbère
4. Tradition
Publicité
Publicité
Commentaires