INZAN N TEQBAYLIT
♓AMAR TAFAT Inzan n teqbaylit -proverbes kabyle anciens
INZAN N TEQBAYLIT: yal inzi d iwzi i d-ǧǧan imarrawen imussnawen d tasarutt i tewwurt-is
Qerriḥ wawal n tidett, am ddwa yettagsen aṭan. D aẓidan wawal n tkerkas, `maca ur yessɛa uma d anamek, yessefṛaḥ aṭan akken ad yenerni.
A. Tafat
Kra n yenzan n teqbaylit:
Amar_Tafat_Inzan Mp3
Inzan yiwen-yiwen
Imɣi n ṣaba maɛqul, s ddaw tmurt i d-yettmuqul
Adfel yekkat deg wedrar, semm-is di swaḥel
Aɛli wenmengel, ikerrez s yiwen uzger
Yessɛa ul-is deg waɛrur-is
Yekkat aɣyul yeddaray tabarda
Anwa yessɛan aɛenqiq am win n welɣem, ur d-yeqqar awal alama i t imeyyez
Xdem tafeḍ
Annar akka i yettwarwat, ma d yellik win yebyan yaɣ-itt
Ur ttamen ṣaba ar terwet
Azrem d mḥend i t yenɣan, cciɛa-s yewwi-tt ubusliman
Ala aɣyul i yezenzen llaṣel-is
Asawen iḍul, asagwem yettqudduṛ
I yheddṛen ɣef lqim, ala yir lqim
Am win yetteksen isellufen i weydi
Menyif takwemmict n tzizwa, wala aḍellaɛ n yizan
Xellun-tt i ɛecṛa, iɛmeṛ-itt yiwen
Am yirden ɣef lluḥ, win izrargen iṛuḥ
Atmaten d atmaten, aɛebbuḍ ifṛeq-iten
Tirkeft tɛedda, anef i yiḍan ad sgelfen
Lezzayer d tamdint yelhan, di l'Afrique mechuṛ yisem-is
Ur tettru tɛebbuṭ yeṛwan, ɣef tin yelluẓen
Tameṭṭut d llsas, argaz d ajgu alemmas
Ur ak ɛennuɣ aguliz, nek regwleɣ seg mectaqen
Win yettṛuẓen asalu iteddu akken yufa mačči akken yebɣa
Af-iyi ad k afeɣ
Qaddeṛ-iyi a-k qaddṛeɣ, mačči d ṛebbi a k-ɛebdeɣ
Igar-ak lǧennet ay amẓallu
Win yeččan yečča, w'ur nečči taṛbut tekkes
Adder-ed aqjun heggi-d aɛekkwaz
Azrem ɣef uɛebbuḍ-is i-yteddu
Ad taɛqel faḍma argaz-is
Win yectaqen aserwal, mkul ṛeḥba yefsit
Win ara d-gren s annar ur yezmir a d-yin' ala
A win yeḍṣan, ḥeḍṛu-d ad ten iru
Win ijaḥen iṛtaḥ, win iɛemṛen d acu i d-yessuli?
Mi tewweḍ d ajmam teččuṛ (ur ḥeṛes deg wemdan akken ad yexdem laɛǧeb)
Ṛebbi d bu ttawil (ur iwata ad yagwad wemdan zdat Yllew)
Ewet uzzal meskud yeḥma (kemmel cɣel alama yekfa)
Uḥdiq ad yefhem, aɣyul ad yewhem
A bu snat bru i yiwet
A win ifeḍṛen s lekdeb, imensi amek?
Suq n temɣarin werǧin yefri
Axxam bweḥwaṣ d axxam lexṣaṣ
Sser am uḥebbuy n lleft
Zwaǧ yiwwas, aḥebbeṛ-is meyyat sna
Anwa yebnan axxam yalles-as
Tibbura igenwan werǧin qwillent
Adrim ur d-teḥbis texṛiṭ, ur tḥetteb d ṛas lmal
Annar i wurar, axxam i lesrar
Win umi i-tt-tekkes cfaya, ur yella lettkal fellas
Anef i-wqermud ma yeṛṛeẓ, yella Ṛebb' a d-yerr tiqit
Awal ma wezzil yefra, ma ɣezzif a d-yini kra
Qeḍṛan ma yezwar s-imi, tamemt ma tegwr' i-wumi
TIWINAS N TMUSSNI, AWAL I D YEKKAN DEG WEQBUṚ
Yenna-yas yiwen umaziɣ azzayri, netta iheddeṛ kan taɛṛabt: "ɛelem-nahum ṣlat, sebqun-a leḥsiṛat". S teqbaylit: nesselmed-asen taẓallit, zwaren-aɣ ɣer tḥeṣiṛin".
Zzit d waman akken yebɣu terwiṭen, ad yuɣal a d-yifrir zzit d asawen. Akken i das qqaren: «am zzit nnig waman».
Mačči d nekwni ara d-yinin ɣef yiman nneɣ ma nega ayen iṣelḥen, maca d-imdanen yessnen tidett, akken i d-taqbaylit(l'honneur), ma yella akken nniḍen; am akken i das yenna win-a n zman: ”anwa i-kem icekṛen a tislit? Tenna-yas: "d yemma teḥdeṛ xalti".
IDLES
Yewwi-d ad nɛiwen idles amaziɣ akken nettutlay tamaziɣt, idles d tmussni d ayen yettarran amdan s abrid n ṣwab, tixidas ur ɣ d-ttawint iqiḥ, am wergaz am tmeṭṭut.
YELLA WALEBƐEḌ YELLA ULAC-IT, YELLA WALEBƐEḌ ULAC-IT YELLA: awal i d-yeǧǧa umussnaw Lmulud n at Mɛemmeṛ
AYEN I D-TTALSEN
Awal yettalles sidi Menṣuṛ n at jennad:
Yella yiwen ubuddali zik di lezzayer tamaneɣt, yeǧǧa-d awal, yeqqar-as kan: "ḥader iman-ik a lɣafel!", neɣ "ṛeṭ balek ya lɣafel!".
AWAL S WEBRID N TIMAWIT (CLIPS)
♓Tizi/Isallen s tira d tugniwin uttun 4/#Amar Tafat#Timizart#ouagenoun# Clip
♓AWAL ƔEF TILLAWT# Clip
Revue/Isallen(infos)/ s tira(8)■timizart,tizi ouzou, Tizi Clip
■ Amar Tafat ●Kra n wawal ●tasrit ● Timizar, at jennad, Tizi Ouzou, Algerie. (clip)