Asexleḍ ger wawal d-usefru - cocktail entre le verbe et le poème

Awal-iw d asefru

Azul fellawen arut-ed ɣer usebtar-a Awal-iw d asefru. Ad yili d asefru neɣ d taqsiṭ, tira neɣ d abidyu. Akka ad yali weswir n yedles n tmaziɣt. Asebtar-a Awal-iw d-asefru nessarem a d-yarew tadukli d-tmussni ger imedyazen d widen yettarun s tutlayt n tmaziɣt. Sya ɣer zdat ad-yaččaṛ s taktiwin.

---

Awal-iw d asefru

🌐ASEXLEḌ GER WAWAL D-USEFRU (1)

✌S tutlayt n tmaziɣt

🎬. ♓ Asarag ɣef Yennayer (conférence). Jour de an Amazigh (berbère). Post by 964863656969127.

📋 Awal-iw d asefru: Ttḍillit yal tikelt ɣer usebtar-a ad tafem yettili-d umaynut degs ger tifawt akk d tmeddit. Aznet-ed isefra nnwen a wid yettarun s tutlayt n tmaziɣt. Anwa i d-amenzu a ɣ d-yazen timenna-s? D awal neɣ d-asefru, d-aḍṛis neɣ d-abidyu. Tanmirt nnwen. Asebtar "ASEXLEḌ GER WAWAL D-USEFRU (1)" ad yettkemmil yal tikelt s wuṭunen, ad yettwazuzer s tehri akwmani.

🎬Isefra n si Muḥ u Mḥend d Ccix Muḥend u Lḥusin: Post by 964863656969127.

📋 Tasɣunt Tafuɣalt i d-tessuffeɣ tidukla tadelsant Yusef u qasi di yennayer 1998: http://amaynut.canalblog.com/archives/2019/12/16/37870738.html

🎬Inzan n teqbaylit: https: Post by 964863656969127.

📋 Amar Tafat: Isefra iqbuṛen d llsas n tmedyazt taqbaylit d-tmedyazt tamaziɣt fellasen i tbedd tmedyazt n wass-a, lemmer ur telli teqbuṛt ahat ur d-tettili tmaynutt. D aymi i d-yewwi a s nerr azal d wazal. Dda Lmulud Mεemeri yura adlis d-azuran ɣef isefra iqbuṛen, degs ad naf ayen din n-isefra d teqsiḍin n imedyazen iqbuṛen, imedyazen yecban Yusef u qasi, Sidi qala, Yemma xliǧa tukrift, Larbi at wejεud, Muḥ at lmessεud, artg..., adlis-a yettawi isem "Isefra n teqbaylit iqbuṛen", neɣ "Poèmes kabyles anciens ", yerna adlis nniḍen ɣef Ccix Muḥend u lḥusin, s yisem "Yenna-yas Ccix Muḥend". Annect-a iban-ed ɣef imeɣriyen d-agerruj ur nettfaka.

🌄Yusef u qasi:

Bellah ark azneɣ a ṭiṛ
Ar Wezwaw fhem lɛaṛef
Aɛdaw d-aɛeqqal
Ard iqsed asullef
Deg irebbi lexyal
I yečča tibḥirt yillef

🌄Yenna-yas Ccix Muḥend:

Ṣebḥan Llah lεaḍim
Sidi bu lexzayen aṭas
Tεelmeḍ a llah tettwaliḍ
S win mu teqεed neyya-s
Kul wa d ssuq deg yettsewiq
Ad iqwel a d-iḍheṛ fellas

🌄Si Muḥ u mḥend:

1)Ansi kkiɣ itebεi wḍad
A rebbi lmendad
Gulleɣ deg sidi Xlifa
lqum iεecqen aḥeccad
D ttmeṛ yemsunnad
D win i-yẓiden i lmakla
S kra bwin igemren addad
Yeqwel d-aḥeddad
Menwala iεelleq saεa!

🌄Amar Tafat :

1) Tidett tugar tikerkas
Akken yebɣu lǧehdd-is yella
Rfed awal n tidett ɣlayen
Γer igenni di lqaεa
Ini-d awal-ik zeddig d-aẓṛef
Sers-it anda i-s- iwata
A t-seddun at sser d-wanzaren
Wid iḥemmlen tirrugza
Am usafu a t-ttawin yidsen
Ad-yesserɣ ma yufa kra yerka

---

🌐ASEXLEḌ GER WAWAL D-USEFRU – 2 -

🌘S tutlayt n tmaziɣt

✉Adlis s tbidyutin: 

AMAR TAFAT - Livres sur vidéos - TASUTA N IMAZIGHEN : Adeg(site) s tutlayt n tmaziɣt, sɣur Amar Tafat

AMAR TAFAT-Les isefra de Youcef ou kaci- version complète ♓AMAR TAFAT Inzan n teqbaylit -proverbes kabyle anciens Apprendre la langue tamazight ♓Dictionnaire de tamazight/Lexique tamazight français/Tizi

http://amaynut.canalblog.com

🎬D asullef fellaɣ akken ad-as-neg amkan i tmedyazt taqbuṛt, yiwen akka am umedyaz Yusef uqasi yeǧǧa-d agerruj: 

📋Izen n yemddukal

🌄Si Muḥ u Mḥend :

Weyyak ay ul-iw unil
Aṭas ur k neḥmil
Ttaken-ak medden ala iles
Taqbaylit tedduri iɣil
Aṭas ur s nezmir
Γef ayla-w εemdeɣ times
Ay ul-iw am ugertil
Ḥedd ur t yettbeddil
Γef yiwen wudem i-getteɣras

I d-tesbuḥet Nahuca, tuzen-aɣ-t-id d-awennit nineqqar-as tanmirt.

📋Amar Tafat: Imedyazen qqaren-ed awal nnsen s tira d-isefra nnsen akken yebɣu yili wakud d-iṭij neɣ d-adfel! Yal amedyaz d-amek yessefruy d wamek yessawal tiktiwin-is. D asullef i wmedyaz akken ad yessefru ɣef wayen yeḍṛan, akken daɣen a d-yefk tikti zeddigen ma ɣures aswir, ara yaṣkin tamurt acku, netta iweεa tagwnitt zemmren a s d-sslen medden, yezzem-it wakud d-umezruy ma yessusem.

🌄Ccix Muḥend:

Aɛebbuḍ qqaren fellas: "anagar akal ara t yaččaṛen". Ma tḍefṛeḍ aɛebbuḍ a-k-yessiweḍ alama yissɣreq-ik deg yillel(di lebḥeṛ!)! Ihi ddunnit agi ur yelli kan d-tamečča, neɣ d-taɣawsa, maca yewwi-d i-wemdan ad-yeg tiweqmi, u ad-yeg asullef-ines(lwajeb-is) anda i-terza tyita! Yal wa ad-yembiwel, yal wa ad-iḍum ɣef umnaṛ-is, yal wa ad-yettissin azref-is, am ass-a lǧehdd ad-yifrir, aṭan ad-yeffeɣ iman-is.

Yennat Ccix Muḥend deg usefru-ines:

Aɛebbuḍ yugar aɛrur

Leǧwareḥ akw xeddmen fellas

Iɛṛeqyab la d-ttaken

Tisyar la ẓadent kul ass

Am win iṛebbun lebḥeṛ!

Ur yeqḍiɛ ḥedd lqima-s

🌄Amar Tafat:

Aqli am lbaz yettewten

Ɣliɣ ɣer yeqwiṛen

Tihin felli iyuzaḍ

Akka ay cubaɣ ungifen

Ur d-seddaɣ irgazen

Ur rziɣ widak nɣaḍ

Ugaden-aɣ imi nessen

Degneɣ la ttarzen

Awal yidsen d-asemmaḍ

Ma tselleḍ i lehduṛ nnsen

D yir tismin i-ten izedɣen

Deg ul ǧǧan-ed acayaḍ!

🌄Yenna Si Muḥ u Mḥend:

Yeggul wul-iw s wurfan

F lɛibad imaɛfan

Ur ten giɣ d lemḥiba

At n zikenni yakw kfan

Wissen anda nfan

Wa di tmurt wa di lɣerba

Negwra-d seg wid am yilfan

Xaṭi bwin yeṣfan

lɛeṛ feṛqent s lgelba!